＊給我的小胖＊

屋企黎左隻四腳蛇BB，好細隻，我同佢起左個名，同你一樣叫胖仔．
至小下次見到佢嗰陣可以叫一聲”胖仔”

自小你就好幸福，點解到最後要你受苦？？？要我哋咁唔甘心！！
太爺，點解唔可以幸福到最後！！

可以撑到返黎抱抱，
喺我哋懷中走埋最後呢段路已經係莫大o既幸福？但確實好痛心．

係唔係你太幸福，所以你走得咁唔拾得，就算你冇能力起返身都唔願意放棄．
阿妹自小被離棄，佢可以執返呢幾年已經好滿足，所以可以走得咁捨得．

如果你走得舒服啲，安樂啲，甘心啲，
可能我執着會小啲，眼淚都小啲，會放得低啲．

放唔低o既，唔係你o既身軀．

放唔低o既，係你走得咁唔捨得，咁辛苦．
放唔低o既，係你o既勇敢．
放唔低o既，係你o既硬撐．放唔低o既，係你對我哋o既難捨難離．．．

胖仔，寶貝．