＊給我的小胖＊

知道嘛，好想叫一聲你胖仔，

好想同你講吓野，好想親吓你，抱抱你，好想！！
好想問你喺邊！！要將你永遠收喺心裡面，好辛苦，因為你好重，壓得我好重．

你瞓着嗰陣，偶爾會望吓你個肚肚．

只想，如果你真係要走，都要走得舒舒服服，要幸福到最後，到永遠．
從來都冇唸過，你要走得咁唔捨得，咁辛苦，好心痛！！

你未食完o既蛋卷，唸住阿妹會食埋佢，唸住要買件衫衫比佢過冬，
結果，阿妹佢連衫衫錢都要同我慳．

眼淚仍然每日都湧出黎，唔捨得唔唸你，更唔拾得忘記你，
好想緊緊抱住你，你知道嗎？