月＊吉: 不想說話的我

顯示包含「不想說話的我」標籤的文章。顯示所有文章

2015年10月12日星期一

＊病了＊

還是不習慣小吉 , 你也不習慣 ?
靜時會多想小吉 , 你也會多想 ?

漆黑裡總是半夢半醒小吉 , 你也不能安心入睡 ?

靜時會多想. 小吉 , 你也會多想 ? 你我都病了.....

要學憧. 小吉 , 你也要學憧 .....

2015年1月31日星期六

＊這段路，還未孤單＊

因為媽，接觸到醫院心理科的姑娘．

姑娘問：媽離開了，你的情緒可以嗎？
我：比想像中好，長期失眠的我，終於可以關掉手機，
安心入睡，但睡醒時，全身肌肉很攰．

就是這一段對話，我跟她學習．

朋友會問，你學彿？當然不是．

「正念認知療法」

是以西方主流心理治療為基礎的禪修療癒法，

實踐理念是：唯有全心全意在這裡，你才到得了那裏。

所謂「正念」（Mindfulness），

就是「全心全意」專注於自己當下所在之處。

我在學靜觀，數息

靜觀自己，靜觀週邊的一切，覺知自己，覺知週邊的一切．

觀照的奇績，一行禪師～正念的奇蹟

真的要從心說聲多謝，多謝她

我得到一個學習的機會，一份溫暖．

這段路，還未孤單

2014年9月22日星期一

2014年3月7日星期五

2012年10月1日星期一

＊倒數的第一天＊

總有些日子總是忘不了 ~ 胖仔倒數的第一天

胖仔十七歲開始行動不便，見到佢好似個東瓜咁瞓喺到，

有陣時都會唸，佢走咗係咪會好啲，

但，點都冇唸過，更想像唔到，佢係走得咁辛苦，

咁不捨．．．

2012年9月18日星期二

＊仍然失敗＊

講真，我有一份唔錯0既工，

人工不薄，每週工作40小時，
4天半工作，確實令唔小打工仔羡慕．
但，如果可以揀，我情願0係屋企做宅嬏，
一把年幾，食到今時今日，仍然失敗，一敗塗地．
唔通，真係要啞？？？

三年，仍然放唔低．一個好同事，好朋友，好姊妹，
唔識點面對我0既傷痛，結果，令我更痛．

眼淚忍住咗，但唔碰得，一碰，就湧出黎．
好想離開呢個令我唔開心，但又令人哋羡慕0既地方，
想閃，想逃避，想一再絹入我0既山窿，
想．．．

2012年9月7日星期五

大舊，仔仔．
大舊家姐，為大舊仔預傋咗一封信，幾張相片，
叮囑大舊仔，上天國路上遇到困難就拎黎睇．

仔仔媽，為仔仔預傋咗一大朿鮮花，
衫衫，被被，好多仔仔鐘意食0既嘢，仲有一封信．

我呢？．．．乜都冇．怕佢哋凍，唔想佢哋入雪櫃，
唔想佢哋濕水，就連自己同佢哋梳洗都冇，一大清早就抱咗佢哋去火化．
只係幫胖仔，拎走緊緊黐喺鼻頂兩條膠喉．

胖仔，就只有火化公司送0既一朵鮮花．
妹豬好啲，老細見我半個月幫襯兩次，除咗自己開口話打折比我，
仲免費燒咗個乜乜寶塔比妹豬，（其實我都唔知冇乜用）．
陪咗佢哋四十九日0既就係一罐未開0既罐頭，幾嚿餅餅，
同火化公司送比佢哋0既一隻小小毛公仔（本黎我都唔想要）．
從黎冇唸過要搵啲乜嘢比佢哋上路，就連叮囑都冇．
一片空白．．．

2011年6月19日星期日

＊想喊＊

尋日得閒，走咗去魚仔街啲寵物店行咗一轉．

見到啲西施仔困喺個籠到，嗰一刻，好想喊！

2011年5月29日星期日

＊逃避＊

思念都成習慣，只係自己都好奇怪，日掛夜掛，
點會連個樣都唸唔返．

可能潛意識下想逃避掛，佢哋老咗個樣，醜既樣，
走嗰陣個樣，通通唔記得．
家陣唸得返既樣，都可能係因為對住佢哋啲相多，先會記到．

真係好怕唸返胖仔走嗰陣既情竟，佢既叫聲，佢既樣子，
唔會唔記得，只係唔想唸．
嗰陣係佢呢世仔最醜最醜既一刻，冇咗一隻眼仔，半邊面仔冇咗毛毛，
鼻上仲黐住兩條未拆既膠喉，條膠喉係要黎駁氧氣，
怕佢隨時缺氧要抱返去．

但我冇，唔想佢要吸氧續命，
唔想佢死喺嗰到而我地唔喺身邊，結果走咗，可能我錯咗．
但我講過，我點都唔會後悔．

一直放唔底，咁唔甘心，係佢走得咁辛苦，
冇咗隻眼都保唔到條狗命，好痛．
痛既係佢死唔放棄，兩日內，四個醫生分別同我講佢唔得，
叫我比佢走．
甚至乎免費打針，聽過未呀？免費呀！

到第五個醫生，佢話狗仔係死撐，
我知呀，佢隻眼，得一隻眼，但越撐越大，撐到可以搖尾尾．

支針點都打唔落，佢咁堅強，我點都唔忍心打嗰支針．
喺嗰到五日，要保命，續命，費用好多，獸醫叫我唸清楚，
值唔值得為一隻咁老既狗用咁多錢，
佢成百歲哪．．．

佢冇同我講明，但姑娘每日都問我要錢，每日付清．
佢哋怕狗仔走咗我會唔比錢，佢哋知狗仔走只遲早既事．

有時會唸，妹豬可能都係想我哋好，自己靜雞雞跟住走．
唔使我再一次面對上面既嘢，可以一次過喊晒去，
唔洗分兩次，唔洗再走呢條路，

多謝妹豬，我既寶貝！