＊一個簡單的人＊

大舊，仔仔． 
大舊家姐，為大舊仔預傋咗一封信，幾張相片，
 叮囑大舊仔，上天國路上遇到困難就拎黎睇．

仔仔媽，為仔仔預傋咗一大朿鮮花，
衫衫，被被， 好多仔仔鐘意食0既嘢，仲有一封信．

我呢？．．．乜都冇． 怕佢哋凍，唔想佢哋入雪櫃，
唔想佢哋濕水， 就連自己同佢哋梳洗都冇，  一大清早就抱咗佢哋去火化．
只係幫胖仔，拎走緊緊黐喺鼻頂兩條膠喉．

胖仔，就只有火化公司送0既一朵鮮花．
妹豬好啲，老細見我半個月幫襯兩次，除咗自己開口話打折比我，
仲免費燒咗個乜乜寶塔比妹豬，（其實我都唔知冇乜用）．
 陪咗佢哋四十九日0既就係一罐未開0既罐頭，幾嚿餅餅，
同火化公司送比佢哋0既一隻小小毛公仔（本黎我都唔想要）．
 從黎冇唸過要搵啲乜嘢比佢哋上路， 就連叮囑都冇．
 一片空白．．．