＊一年＊

臭吉吉入咗呢個家門一年啦

 養咗臭吉一年，我，開心咗，

臭吉，肥咗，50%，但癢咗十一個月．
養狗十幾廿年，家陣面對臭吉0既感覺係，失敗．

 同胖仔走最後一段路嗰陣，我仍然滿懷希望，
就算係每半日就有一個醫生同我講，叫我打針比佢走．
直到抱返黎屋企，醫生只係比咗一罐罐頭我，好似一早知道，
呢罐係最後一罐，唔需要太多，胖仔真係食咗．
 第二日，仍然滿懷希望走到元朗買多一罐比佢，我信有奇蹟．
 最後， 呢罐罐頭，陪咗胖仔啲骨灰個幾月．
但我從來冇覺得失敗，胖仔0既勇敢，令我自豪．

 但家陣眼見呢條紅豆霸．．．
 我唔係愛心爆滿0既人，從來冇唸過要同狗仔涮牙，
但我唔會放棄臭吉，
我要趕走臭吉身上0既紅豆，但願我能．

啱啱黎0既吉

一月廿二影0既吉
毛毛長咗，白咗，冇咗對熊貓眼，哈哈．

呢張係今日影ga，係到唔望鏡 >.< 衰吉

星期五聽獸醫話，認認真真同臭吉用三條毛白白，
其實，一早都知結果，紅豆霸一條．

用黎洗腳仔啲菌嗰支三條毛就好似有啲用，
lam小咗腳仔，會繼續用．
浸咗啲酵素，仲要等兩個月，
呢段期間，會試吓blog友介紹0既滴露防敏感淋浴露，
唔得就繼續茶籽粉．

先前買0既茶花籽油，加落茶籽粉到比臭吉浸，
總係覺得臭吉皮膚乾先會咁，
但太貪心，落得太多，變咗油吉＝　＝”
但油吉，點都好過紅豆霸．