＊一年一度約會＊

過多一個星期，呢隻狗，改名叫臭吉就一年啦．

今日同佢去打預防針同心思蟲針，

咁啱今日唔見鬼佬喎，換咗個靚女姐姐．
靚女姐姐見到臭吉，就一定係要同佢check check啦．

靚女姐姐話：你同吉仔就打扮得好靚哪，但你照顧得佢嘛嘛哋咋喎．
＠＠吓吓吓．．．嘛嘛哋 ，好hurt呀．

佢一黎就話我抱臭吉姿勢唔啱，
我抱咗臭胖十七年啦．

但唸真啲，都係0既，養咁耐，癢咁耐．

靚女姐姐話 ，臭吉唔似食物敏感，但佢又睇唔出係乜，
佢話就算用茶籽粉抹地，都要過水．
（唔咁唔難啫，又唔使我抹）

佢仲話要認認真真從頭黎過，心唸，我好認真呀．

臭吉因為腳仔有乜乜菌，似係地吓有嘢令佢敏感，要用綠色三絛我洗腳仔，
洗白白就用粉紅色，認認真真洗一排，睇吓點．
唉．．．兩支三條毛，得我就唔使咁煩啦，
不過我都會照做．

佢仲話臭吉超重一磅，隻吉家陣6.7kg，一年重咗2kg，
比我估計小咗啦．

臭吉一年前洗埋牙石先過黎，家陣一年之嘛，又有啦，
以後要同佢清潔牙仔．
臭吉）））你真係好煩呀！

胖仔，我好掛住你呀，你十七歲幾都冇牙石，隻衰吉．．．