臭吉啲皮膚又出事啦，一粒粒紅豆．
呢幾日都見佢起腳，留咗長毛毛都睇唔真，今日同佢剷咗啲毛，
嚇死呀，好心痛！＿！
嚇死呀，好心痛！＿！
仲係好紅，但其實好多都結咗蕉，仲甩咗添．
都介口拉，只係有時會比煲湯豬佢食，叫咗姐姐未落鹽之前先拎起，
但睇黎唔可以食啦，試吓只食雞鴨囉 >.< 同佢搽咗藥膏，再介口囉，
如果仲起腳，過兩日同佢搵鬼佬，
唔想每個月都睇醫生．
前幾日比我打，自己瞓喺個角落到，唔望人．
明明六點先V V ，九點未到又瀨咗，擺到明係唔忍 >.<
唉~~ 心痛!!...
回覆刪除[版主回覆11/23/2011 19:28:37]希望佢介咗肉會好＾＾
[❤ 小白 ❤回覆11/22/2011 23:52:42]呢個問題都困繞咗我 long long time...到現在仲未有一個好辦法..＝＝°
[版主回覆11/19/2011 22:38:45]冇食什啦，除咗小小角十捧(雪條）＾＾生果囉，其他乜都冇啦，唔知係咪以前只係食栗米大，食唔慣肉，家陣試吓唔食煲湯豬囉．
[❤ 小白 ❤回覆11/19/2011 19:08:34]小白：原來你我衰皮膚呀!? 咁..一定唔可以食什 la..＝＝"
吉吉一好唔舒服嘞、好慘呀....吉吉佢!
回覆刪除[版主回覆11/19/2011 23:13:49]都OK ge，係耐唔耐會起腳，真係好難服待呀．
[wongtw65回覆11/19/2011 23:02:25]我都凳吉吉辛苦呀~~希望佢快好番喇! 你都要加油呀! ＾＾
[版主回覆11/19/2011 22:39:27]癢癢囉，好陰公 ！＿！
無計啦，佢咁易敏感，唔食得什，無得為食已經好慘，妳唔好怪吉吉啦
回覆刪除[版主回覆11/20/2011 23:03:35]打兩嘢等佢知死呀＾＾
亞Good以前皮膚有事就連雞都唔食得嘎! 我宜家買生鴨胸烚畀佢食! 同一路都畀佢食保健品OPC! Touch wood 呢一年都只係間唔中有一兩粒, 我即刻幫佢搽黃油 都ok! 唔好畀佢食什喇! 戒清啲睇吓會唔會係食物敏感啦! 好多狗仔對豬都有敏感嘎!
回覆刪除希望吉吉快啲好返再靚啲添!
[版主回覆11/20/2011 23:09:08]@@對豬都有敏感 = =" 不過我都唸住淨係比狗糧先，好慘，真係冇口福，好在佢見人食嘢都唔會太緊張，我都要買支黃油睇門口，我養狗咁多年，都未遇過呢啲嘢，連黃油係乜都唔知，最近先聽同事講．
仲未好番呀
回覆刪除[版主回覆11/21/2011 13:09:18]有呀，同佢咗剷毛，搽咗啲嘢，其實佢都唔係成日起腳，瞓得好好，但見到佢個身咁，好心痛，會同佢介肉啦．
[小君回覆11/21/2011 08:00:17]會否搽藥膏
[版主回覆11/20/2011 23:09:47]食緊藥好啲，食完又黎過＝ ＝”
必要時食住處方糧先啦. 皮膚敏感糧, 唔好比肉住, 好番先續樣肉慢慢試.
回覆刪除btw, 豬肉的確係最易令狗敏感的肉類黎架, 不過我唔係指皮膚, 係腸胃敏感多D. 你有幾可見有用豬肉做狗糧呢? 絕少數, 我只知有一兩隻牌子.
我咁清楚, 因為老兵年輕時試過出事, 食咗痾血痾唔停呀. 獸醫話好多狗都對豬肉敏感的.
[版主回覆11/21/2011 12:44:54]反而以前兩隻嘢都未食過鴨，可能臭吉真係食齋大（義工姐姐話佢泰國食粟米）所以食肉會敏感．
[版主回覆11/21/2011 12:42:10]小胖養咗差唔多十八年，乜鬼都食得，隻妹拾返黎，跟狗胖食，都冇事，兩隻嘢好易養．所以我連黃油係乜都唔知＝ ＝”你講得啱呀，鬼佬都話佢係由體內發出黎，同腸有關，會同佢停食肉，好返先買鴨啦，先前係食雞同鴨囉，有煲湯豬就比豬，多謝你呀．
我BB都係咁，食埋敏感糧，戒晒口都一樣，
回覆刪除[版主回覆11/21/2011 13:11:27]真係唔想佢成日食藥 ＝ ＝”
[版主回覆11/21/2011 13:10:37]＠＠食埋敏感糧，戒晒口都仲會咁呀，咁點算呀，我唸住同臭吉介肉，希望會好啦．
如果再唔好就要睇醫生，皮膚有事都幾長手尾，希望吉吉快de好番啦！
回覆刪除[版主回覆11/21/2011 18:39:16]會呀，今日開始同佢介肉囉，唸住睇多兩日，其實佢啲藥都係停咗十日八日咋．
你就係好主主先乜都比 D 佢食 , 咁次要忍心戒口呀 , 等吉吉好返晒再逐樣試 , 睇吓邊一樣食得唔食得啦 .
回覆刪除[石頭回覆11/25/2011 22:55:36]E生有冇介紹獸醫配方敏感糧比吉吉呀 ? 果陣mo豬發作周身痕 , 除左食藥同沖止痕洗毛液 , 仲食左一包獸醫配方敏感糧 , 好返後再轉食SOLID GOLD 薯仔魚防敏感糧 , 唔好亂食嘢一直都OK架 .
[版主回覆11/24/2011 21:08:19]臭胖食imas咋，都食到好健康，妹豬唔得，轉咗Hills啲屎屎靚咗好多，咪就咁食囉，兩隻嘢真係好易養．鬼佬都係話臭吉係由腸胃敏感發出黎，我都唸住同佢轉糧呀，邊隻牌子好呀，我想問多幾個人．
[石頭回覆11/24/2011 14:03:06]胖仔妹豬兩個都叻叻 ,唔駛你操心 , mo豬又係好多嘢敏感 , 又係由腸胃敏感發出黎 , 然後周身痕 , 石頭就對雞肉糧敏感會抓爛面 , 先前食過幾隻牌子雞肉减肥糧 , 真係減到磅好有效 , 但抓損面要停食 , 後來轉食薯仔鱼肉減肥糧 , 减肥效果冇咁好囉 .
[版主回覆11/23/2011 19:04:30]養狗十幾廿年，仲係好似初哥咁，以前兩隻真係太易養啦，未聽過狗唔食得豬，未聽乜嘢係黃油，以前狗胖見狗就惡，連一個狗friend都冇，但佢哋咁又過咗一世，臭吉真係好服待．
吉吉加油呀! 要快D好番呀! ^^
回覆刪除[版主回覆11/23/2011 19:06:17]介咗肉三日，搽緊先前鬼佬0既hand cream，好啲啦，應該會好0既＾＾
可能佢既致敏源你仲未知,要驗血先會知道,but應該都幾貴~"~
回覆刪除[版主回覆11/23/2011 19:15:27]係呀，驗血要幾百，獸醫話佢係食物敏感，食咗兩星期藥好返ga，獸醫都話唔使再返去，佢冇特別話唔可以食豬，家陣藥食完，佢又返發，好多人都話原黎唔食得豬，我同佢介肉囉，只係食狗糧同菜，希望冇問題啦，義工姐姐話佢以前係食粟米大，可能只係食齋呀，所以都好輕，突然有肉食，適應唔到掛，我都希望係咁，咁就容易處理．
路過. 個個月看醫生, 真的很煩, 我也明白!
回覆刪除[版主回覆11/23/2011 22:34:30]狗仔係領養，唔清楚佢0既習性，所以煩啲，希望慢慢會好．
如果介肉可以控制..都係辦法呀!? 最重要唔洗食咁多藥吖...反正吉吉咁乖吔都食........其實驗血唔係幾百呀!! 驗致敏原要 sent d 血去外國驗...知道對邊樣敏感仲要配針藥打 tim..^^
回覆刪除[版主回覆11/24/2011 21:10:03]佢又真係幾乖，可能自細冇人寵，易知足．
[❤ 小白 ❤回覆11/24/2011 20:49:36]咁...吉吉真係好乖仔 ka la.....
[版主回覆11/24/2011 20:26:21]呢兩日淨食狗糧同菜菜,佢都肯食＾＾
我占美起起腳--點解叫做起腳？
回覆刪除佢係生係背，冇係肚！真係因為食左鹽？咁咪唔可以食麵包囉？
[版主回覆11/27/2011 18:17:22]佢只係知道癢，想抓，唔理抓唔抓到，都會腳抓ga．家陣只係食狗糧，雞肉條（狗仔小食），生果同菜咋，乜都冇啦，麵包都唔敢比佢食呀．