＊好癢呀＊

臭吉好癢呀

吉吉好癢，冇晒心機，今晚連生果都唔食，趴咗喺到．

背背，四隻腳仔，裡裡外外都一粒粒紅點，凸凸哋，唔知乜嘢事．
睇落唔似小白同狗胖嗰隻皮膚病．

我孤鬼寒，養狗十七年，除咗第一支係狗狗shampoo外，
我係用莊生幫狗狗沖涼． 

呢隻吉，我用莊生幫佢沖過三次，間中都見佢會癢癢（冇甩毛）．
 咪同佢換隻狗狗shampoo囉，一支保濕SPA(蝦仔媽介紹），
一支去黃bright white（pet shop事頭婆介紹），
事頭婆話佢隻參褰西施都係呢兩支洗白白，
佢隻西施好靚ga，三年未剪過毛毛．

黃好似去唔到，啲黃毛毛仲紅紅哋添，
但真係好滑滑，唸住唔癢啦． 
上星期涼涼哋，夜晚都同臭吉出去玩， 冇用去蝨用品．

星期六去狗公園返黎， 用新買0既shampoo同佢洗白白，
跟住就好癢，比先前癢，啲毛毛甩到一嚿嚿，今晚仲見到粒粒． 

早排自己無啦啦又生濕疹，一把年幾啦， 但好返成半個月啦．

唔知錯咗邊，草，蝨，shampoo，定係啲疹走咗去臭吉到，
今晚同佢搽咗啲濕疹膏，佢冇再起腳喎，唔通．．．
聽日同佢去搵鬼佬， 呢隻吉，唔夠三個月，睇三次醫生，正敗家仔，
都話咗唔養ga 啦 ．
不過臭吉又真係越睇越可愛，家陣係我寶貝啦，甩唔到．