我姓關，叫小吉，關小吉～吉仔．
唔算好好聽，但係新主主比我ga，
今日係2011年7月16日，亦係我踏入呢個家0既第一日．
我靚唔靚仔仔呀
我係一個唔知邊日係自己生日0既細路，不過我知自己今年五歲啦．
我舊主主唔要我同老婆仔，老婆仔大咗肚呀，
家陣喺賣我哋0既pet shop待產，第日都唔知會點！！
而我？幾經轉接，碰到個義工姐姐幫我搵新主主，咁．．．
要多謝義工姐姐呀，鍚鍚先．
我舊主主唔要我同老婆仔，老婆仔大咗肚呀，
家陣喺賣我哋0既pet shop待產，第日都唔知會點！！
而我？幾經轉接，碰到個義工姐姐幫我搵新主主，咁．．．
要多謝義工姐姐呀，鍚鍚先．
小月，妳係新主主？ 99 好得意好可愛吔！係咪西施嚟架？同妳以前對寶貝好似樣吔！佢好似笑緊咁吔！如果妳係佢 MAMI，梗係笑到收唔到啦！咁幸福，祝福妳地吔！
回覆刪除[版主回覆07/16/2011 23:27:00]係呀，佢係我第三隻狗狗＾＾
係西施黎ga．佢比我對狗你細隻，但都好似樣，尤其係影相，好似我以前隻女，但就細隻好多囉．
佢好單純，希望佢會開心＾＾
嘩~~~~~好野呀, 恭喜晒
回覆刪除[版主回覆07/17/2011 00:29:00]好奇怪，家陣0既心情，唔算好興奮，平靜中有點喜悅吧＾＾
小吉個樣好開心呀! 仲好靚仔. 佢係咪好熱 ? 伸晒脷. 到新家, 佢適應嗎?乖嗎?
回覆刪除[版主回覆07/17/2011 00:37:00]^^嘆緊次氣ga哪，look大隻眼就伸脷．
同佢坐車嗰陣有啲緊張ga，黎到新地方，第一樣要做0既就係週到巡啦＾＾
未識得搵地方去厠所囉，要慢慢教，義工姐姐話佢識疴喺尿墊到，可能初黎到，唔識搵啦，佢都好乖ga ，OKga^^
太好啦！西施其實好可愛架，以前我朋友都養過五隻咁多，其中一只仲哨牙仔 TIM，見佢好似成日喺度兇人咁！妳而家有咗小吉實唔會得閒啦！要同佢建立感情吖嘛！唔知妳會唔會呢？我就係喇！波仔剛來我家既時候，我雙眼會不停跟住佢架，佢行去邊我就望去邊，佢做乜我都會笑咪咪，仲會成日走去佢面前哄佢同佢講嘢！恭喜哂啊！係咪好開心呢？我都鄧妳好開心吔！幫我鍚佢大大啖吔！唔該！
回覆刪除[版主回覆07/17/2011 00:53:00]嘩五隻，好開心喎，唸吓好lu^^
感覺到你望住波仔流晒口水個樣啦＾＾ So Sweet．
對住自己0既寶貝，一定可忘憂．
吉仔話要鍚返EE同波仔一家＾＾ >v< >v< >v<
小月月：恭喜恭喜，又有狗狗相伴了，佢以後的生活一定無憂的 佢個樣好好愛呀，看不出已有五歲了，好想攬住佢添
回覆刪除[版主回覆07/17/2011 19:42:00]佢好乖ga，唔怕人，任你點攪都得＾＾
佢係細種西施囉，我都未見過細咁，好似十多個月大嗰啲咁．
可喜可賀,終於遇上啱眼緣的小狗,小狗遇上愛心主人,有主好人家一起生活啦!
回覆刪除小吉好baby face都似5歲, 佢個樣好cute,確實人見人愛,車見車載,汽水都彈開蓋.....
[版主回覆07/17/2011 19:39:00]嘩，識你咁耐都唔知你咁口花0既，幾時咁叻叻呀，人見人愛,車見車載,汽水都彈開蓋..... 最尾嗰句我未聽過喎＾＾
講真，吉仔唔係一見終情嗰隻囉，要佢嗰陣心情都好平靜，等佢嗰幾日，心有啲囉囉攣囉．
小白：小吉，你好 .....可唔可以的個 frd 呀！
回覆刪除[版主回覆07/17/2011 19:30:00]一定啦，送比小白 >v<
真係好開心, 好開心, 我第一眼見到佢, 已經覺得佢真係好靚仔, 真係有心動過架~~ 仲以為嚟引誘吓妳添~~ 估唔到佢真係咁幸運做到妳仔仔, 好羨慕你呀, 又可以再養西施, 又一個HAPPY ENDING~~
回覆刪除吉仔好好聽, 希望吉仔和妳一家以後都大吉大利, 每日都過得幸福又開心~~
[版主回覆07/17/2011 19:28:00]我知你哋一定會鄧我開心＾＾但講真，冇想像中喎種開心喎，唔識講，家陣只覺得，又多個責任囉，可能我睇得太重．
家陣係HAPPY ENDING＋煩腦0既開始呀．
原來你再次養番狗~~ 恭喜~~
回覆刪除吉仔個樣好精靈可愛！
養寵物需要愛心和責任，缺一不可，但養寵物帶給我們的感覺十分幸福～
[版主回覆07/17/2011 19:23:00]講得好啱呀，但家陣未黎得及感受幸福就先頭癢囉＾＾
想不到妳再養狗狗了......
回覆刪除祝福妳們
[版主回覆07/17/2011 23:04:00]唉，我都想唔到會咁快，我會再養，但係希望可以唔洗做嗰陣囉，好難講，可能我前生欠落小吉唔只兩蚊啦＾＾
我以前成日問兩隻嘢，我係唔係欠你哋兩蚊未還呀．
太好啦！很替你高興 祝福你和吉仔！西施萬歲！
回覆刪除[版主回覆07/18/2011 00:14:00]哈哈，好一句西施萬歲，小心我地會比人殺死呀＾＾
好開心小月再養狗狗，小吉一D都唔似5歲，不看內容還以為小吉係一歲以內狗狗，講真，小吉好鬼得意
回覆刪除[版主回覆07/18/2011 15:50:00]我知你哋一定會鄧我開心ga.
我都覺得佢好似十多個月大0既狗仔，好細隻，但佢0既晶片係06年植個囉．
小吉, 都幾靚仔喎~~ 希望, 小吉快適應新環境!
回覆刪除[版主回覆07/19/2011 21:44:00]開始適應啦，狗仔好純，唔惡屎．
小吉好可愛
回覆刪除[版主回覆07/19/2011 21:43:00]多謝呀＾＾
吉仔好天真好可愛 ^ ^
回覆刪除[版主回覆07/19/2011 19:41:00]係呀，幾天真ga，就係鐘意佢呢樣．
超大眼仔﹣亮晶晶
回覆刪除[版主回覆07/19/2011 19:39:00]碌大咗先有咁大咋，西施佢唔算大眼＾＾
嘩！沒有到你個blog一些時候，你的世界翻轉啦！恭喜你和吉吉！
回覆刪除[版主回覆07/20/2011 21:38:00]真係反轉呀，哈哈，多謝你呀．
歡迎吉吉到小月家,,
回覆刪除[版主回覆07/29/2011 19:09:00]多謝呀^^
吉吉能遇到你, 真的太好了.
回覆刪除你能遇到吉吉, 也真的太好!
由心祝福你們!
[版主回覆07/30/2011 15:51:00]小熙熙都係呀，好幸福^^
原來你添左丁, Good! 有動物的家庭係最幸福
回覆刪除[版主回覆08/05/2011 16:57:00]嗯嗯^^
靚 仔~~關小吉.... ....你好呀!
回覆刪除[版主回覆08/05/2011 16:56:00]一時時架咋^^
(Empty)
回覆刪除[版主回覆08/05/2011 21:54:00](Empty)
吉仔老婆仔依家點呀！我希望佢好似吉仔噤好彩搵到好主人！
回覆刪除[版主回覆02/26/2012 19:11:52]冇聲冇氣呀，我冇特登問義工姐姐，但見佢個blog都冇登到，又冇搵我，應該有人要咗啦．