＊我的臭吉吉＊

臭吉啱啱做咗太監仔，又唔識應該去邊到she she，
被困厠所的可憐樣．

好頭痛，臭吉唔識得喺報紙同尿墊大小二便，今次死得啦．
下晝得閒，同佢落街試吓啦，仲死，門口都唔敢出，
落到街，唔會八掛週到聞，一步都唔敢行，死得啦，點算．
 義工姐姐話佢喺診所識得去尿墊大大ga >.<

義工姐姐話，臭吉兩公婆細個嗰陣喺寵物店巳經植咗晶片，再賣比臭吉主人．
臭吉主人同寵物店講話會帶臭吉兩公婆過泰國參賽．

寵物店同義工姐姐講，佢哋都有見雜誌登過臭吉啲相，
但呢幾年已經冇佢哋消息．
直至呢幾日，義工姐姐經漁記搵到晶片登記人～寵物店，
寵物店查問後先知道臭吉主人本黎想掉底佢哋喺泰國，
最後唔忍心，又唸住有人要，張佢哋偷運返黎
返咗黎，新主人冇幾耐又唔要，放咗喺暫養臭吉間寵物店到．
唔知真定假，呢啲嘢都係義工姐姐尋日先同我講，

因為要更改晶片資料，佢哋搵到晶片登記人～寵物店，先知到呢堆嘢．
我唸如果係真，最初可能真係為咗參賽，最後就變咗只係為咗配種．

臭吉唔識得自己玩，唔識得同人玩，唔識得咬嘢玩，
佢一見人就搖尾尾，好開心．
臭吉係咸濕仔都可能因為佢早就變咗生仔公具，所以佢只係識呢樣嘢，
臭吉0既天真，只係表面0既天真．

真ga，咁大堆嘢，都唔知真定ga，但臭吉好多嘢都唔識就係真嗰囉 >.<