日子真係過得好快，臭吉已經同我哋一齊生活咗成個禮拜．
家有小吉，真ga，家～變得熱鬧起來．
家有小吉，笑聲多咗，媽媽0既笑聲，姐姐0既笑聲．
家有小吉，更多咗0既係臭狗味！
家有小吉，笑聲多咗，媽媽0既笑聲，姐姐0既笑聲．
家有小吉，更多咗0既係臭狗味！
hehee．．．EE，姐姐，臭吉係咪好醜樣呢^^
黎呢個家之前，個衰公Doctor剝咗我三隻牙仔，
見唔見到呀，下面兩隻門牙冇咗啦，
不過家陣涼爽爽呀，要唔要臭吉吉幫手吹炭爐呀
黎呢個家之前，個衰公Doctor剝咗我三隻牙仔，
見唔見到呀，下面兩隻門牙冇咗啦，
不過家陣涼爽爽呀，要唔要臭吉吉幫手吹炭爐呀
晏晝得返吉仔自己一隻，佢竟然識得喺片片到疴屎屎，好開心．
係咪好低能呢，但真係好開心．
係咪好低能呢，但真係好開心．
吉吉真係一次比一次更加靚仔~~
回覆刪除吉吉叻過肥Don好多, 肥Don下面巳經甩咗四隻牙仔, 個風爐口仲大個呀~~
[版主回覆07/23/2011 13:30:00]
哈哈，係咩，咪咁孤寒，影黎睇吓啦，我想睇吓DonDon個風爐呀，好好笑
你家陣咁乖喺屋企冇去街街0既？ 不過出面真係好屎熱，大太陽呀．
尋日Aigle開倉，問人借咗張咭入去，行到好攰呀，見到啲人大袋細袋，好犀利呀．
我哋都買咗啲嘢，不過冇樣係我0既^^ 唔係認真好平都唔買．
有post過架, 甩咗四隻, 剩番四隻, 真真攞命~~
回覆刪除今日聽講係"大暑"呀!!! 應該免得過都唔出街囉, 琴日同肥Don去睇醫生已經折騰咗一整日, 仲荷包大出血~~
肥Don都仲未正常番哂, 剩係瞓瞓瞓, 又唔食, 又唔飲, 好似行完刑咁~~
咁熱熱都咁有慶誌去睇Aigle~~ 不過我都好鐘意佢d嘢架~~ 而家周圍都大減價又開倉, 真係引C人~~
平日有無去d outlet行?? 我最鐘意去東薈城執平嘢, d衫仲平過花記~~
[版主回覆07/23/2011 19:53:00]
有呀，我都鐘意去東薈城，我幾鐘意東涌ga，路好濶，好多樹，好舒服，係啲議員banner醜化咗個城市．
有好多我鐘意0既牌子都退出東薈城啦 ＞．＜
嘩DonDon個風爐口都幾大喎，一定要保住嗰四隻牙仔呀，如果唔係，冇嘢頂住條脷仔，會跌出黎ga．
吉吉只是乖乖學乖, 就唔駛再做醜樣臭味狗~~ 好快會變成可愛靚仔嫁喇, 加油呀!
回覆刪除[版主回覆07/23/2011 19:44:00]等拆咗線就可以洗白白，會靚仔啲掛^^
石頭 : 我剝左1隻牙+磨蝕左幾隻牙 , 全部都係下排門牙 , 原來同吉吉Don Don 同路中狗黎架 , 有冇人揾石頭吹炭爐 , 因為石頭想要餅餅呀
回覆刪除[版主回覆07/23/2011 19:43:00]嘩，咁咪可以一齊吹囉，一定好勁啫．
吉吉原來冇咗 2 隻呀！但係...一樣咁可愛~~
回覆刪除[版主回覆07/23/2011 19:42:00]傻樣一個，仲要加埋個烏咀咀，哈．
等d人成日咁嫌棄d狗屎狗尿, 其實d狗屎狗尿都可以令人唔知幾咁開心, 就例如低能的我地~~
回覆刪除[版主回覆07/24/2011 22:52:00]又真係好低能^^ 如果你有睇兔兔blog，仲多屎屎睇呀～
有咗吉吉先見妳開心返就好啦!
回覆刪除[版主回覆07/24/2011 22:50:00]係呀，連個blog都冇咁灰嘛^^
小吉好叻仔呀 可能佢已經知道呢度就係佢啲家，有婆婆，姐姐咁錫，佢自己都知要乖的
回覆刪除[版主回覆07/24/2011 22:49:00]臭吉見人就搖尾尾，好黐人，氹到屋企兩位阿姐好開心ga．
我唸佢都開始覺得呢到係佢屋企，識得開始望住人食嘢，識得要跳上床啦，不過佢跳唔到^^
有冇帶吉吉行街街呀！
回覆刪除[版主回覆07/24/2011 22:45:00]嘩，好靚呀^^
唸住等隻臭吉拆咗線先同佢落街街，過多兩日拆得ga哪．
回覆刪除吉吉在笑呀!
[版主回覆07/24/2011 22:42:00]hehee^^
好高興見到你有吉吉相伴啦!! 祝每天每日家中都充滿笑聲, 溫馨滿屋!!
回覆刪除[版主回覆07/25/2011 22:32:00]嗯嗯，多謝呀．
咁耐冇見，幾好嘛^^
有狗狗的曰子很幸福, 祝福妳~小月永遠
回覆刪除[版主回覆07/25/2011 22:31:00]我都祝福你開開心心^^
吉吉 d 大小...係咪掂哂啦！
回覆刪除[版主回覆07/25/2011 23:35:00]佢仲未認真識得自己要去邊到疴，只不過係我哋會到時到候就抱佢入浴缸，咁佢都會疴囉，叫做控制到囉，勝在有人可以抱佢去奇囉，冇法啦，我要返工，自己教唔到佢．
吉仔好乖丫 一抱入浴缸就肯痾 , 應該好快識架啦 ^ ^ 吉仔仲驚唔驚隻大波呀 , 仲有冇比佢玩呀
回覆刪除[版主回覆07/25/2011 23:55:00]隻大波？放在喺地，但佢望都唔望呀，傻佬黎ga～
我都對吉吉好有信心, 吉吉個樣咁精靈, 一睇就知係醒目仔, 仲要係聽教聽話果隻喎~~
回覆刪除[版主回覆07/26/2011 22:09:00]嗯嗯，真係唔笨ga，平時行一步跟一步，叫佢疴she she，唔睬你ga，正死仔．
吉吉咁樣屙好似唔係咁好 wor..如果冇人抱佢入浴缸...咁咪大件事..會唔會侷壞..試吓擺尿墊係廁所比佢試屙吖！
回覆刪除[版主回覆07/26/2011 22:14:00]
家陣尿墊中0既機會率小過10，慢慢教啦，屋企好在每日都有人，一日疴四至五次啦，放心喎，佢唔會隱，除非我打佢．
以前兩隻狗都係每日定時定候放報紙比佢地疴．
占美：我占美又係冇左三隻牙--其中一隻係俾我媽媽生鷗鷗整LUCK既！
回覆刪除媽媽：有幾低能？占美只要做到飲水、係適當地方小小，大大又靚我就好開心架啦！
[版主回覆07/27/2011 22:05:00]咁又係，對狗狗都冇乜要求，你話齋，肯飲水，係適當地方小小，大大已經足夠．
見到臭吉吉現在有人錫,想哭啊！！多謝你們一家！！！！
回覆刪除[版主回覆07/27/2011 22:02:00]傻瓜^^
臭吉要多謝我，我都要多謝臭吉，你要多謝我，我都要多謝你呀．
小吉個樣好 puppy 呀 靜靜雞話你知 "臭丸" 下面門牙又係甩晒架 唔知係咪西施特別容易甩門牙呢
回覆刪除[版主回覆07/29/2011 19:08:00]哈哈，唔關事ga，以前狗胖十七歲牙仔仲好多，好靚ga．
吉吉你好啊。 歡迎你, 我都好想日日睇你情況** 你記得要乖^^
回覆刪除[版主回覆08/01/2011 20:39:00]嗯嗯，多謝姐姐^^