＊吉仔＊

吉仔，唔算係我一直心儀0既波子眼西施．
但係佢有一份孩子氣，就係鐘意佢呢份天真．

吉仔係咸濕仔一名，第一次喺暫養佢0既寵物店見到佢，
係咁追住隻狗仔騎，好鬼可愛．唸返執妹豬嗰陣，佢只得兩三歲，
但佢真係可能因為流浪咗幾日，嚇親掛，喺佢身上搵唔到呢份稚氣．

吉仔雖然活潑，但好靜，唔會出聲，應該係話冇出過聲，
對面屋0既狗仔吠佢，佢都冇出聲．
義工姐姐話曾經聽過佢叫過一次，如果唔係，
仲以為佢比人割咗聲帶，希望佢冇聽錯啦．

自從兩隻狗走咗後，成日都會同自己講，唔好再養啦，唔知點解．
可能係唔想再痛，多一份愛，多一份痛，好痛．
希望可以自由自在，唔洗再心掛掛，多一份溫暖就多一份牽掛，真係想放低．
但每當喺街到，又總係想搵隻狗狗望吓．

今日，我又投入返狗奴0既行列．
吉仔？家陣喺我腳下攤抖緊，好似胖仔以前咁囉．

幸福嗎？小許啦．