＊有冇興趣種蘭花呀＊

個人認為蘭花中蝴蝶蘭最易種，

只要有一株花，一個盆就得^^

三月十一至二十日又係一年一度0既維園花展啦，
 大家去睇靚花之餘，買盆蝴蝶蘭試吓種吖，
好平，一棵開滿花0既蝴蝶蘭都係二至三十蚊， 最尾嗰兩日仲平．
唔得閒過維園， 花展後花墟都有平花賣，跟手買個陶盆就得．

蝴蝶蘭一棵

陶盆一個唔可以有漆油，一定要有窿，疏水疏氣呀，

盆唔好太大，五吋左右高就夠哪．

啱啱買返黎嗰啲會有個膠盆，剪爛個膠盆，

成棵花連植料放入新盆就得．

呢啲係蘭花植料～水苔
買返黎0既蝴蝶蘭都係用水苔種，如果剪開膠盆後見到啲水苔仲好啡黃，
唔會好黑就唔洗換水新水苔啦．
第一次種都係唔好攪咁多好^^ 因為換咗水苔棵花要時間適應．

呢啲係蘭花植料～混合植料，有石仔，樹皮，芒骨混合料

疏水，唔會浸爛根，可以放喺盆底（三分二） 再加水苔上面（三分一）．

靜雞雞話比大家知，萬春園（唔知搬咗去邊)
同花墟專賣蘭花嗰間繽紛隔離條巷仔嗰間舖有混合料賣， 好平，自己撈都得．
蘭花要放喺有太陽同通風地方，唔洗日日加水，平時噴吓就得．
最簡單係摸吓啲水苔，如果啲水苔卜卜脆先淋水，
要淋到有水漏返出黎，耐唔耐拎去水嚨頭沖水，
順便沖走埋啲虫虫 （如果有的話^^） 

花唔可以開太耐，公司因為衡溫，隔住玻璃曬太陽，
可以開到半年花，但都因為花期太長，元氣大傷而死，
所以開到咁上吓就要忍痛剪咗啲花呀．

仲有呀，蘭花啲根好小氣，最好都係唔好用手摸佢，會變黑= =" 
好似講咗好多嘢，其實好簡單咋，
當你可種到佢開花，你會上癮^^