*曱甴*

我愛寵物，愛狗狗，愛貓貓，愛小動物，
就連小昆蟲都會珍惜，
始終都係命仔一條嘛．
但一講到曱甴呢家嘢，就算係細到芝麻咁細，
都要殺殺殺，唔可以比機會佢地長大，如果唔係嘅話，
到佢大隻咗，到時要閃嗰個就係我而唔係佢．

曾經睇過一本書，作者係一個講環保，愛我生命嘅人．
佢同愛貓住喺離島，
屋內任何有生命嘅物體都可以自由出入，就連曱甴都係．

一日，呢位作者發現屋內嘅曱甴越黎越多，
亦越黎越橫行，連貓貓都唔放在眼內，
佢決定要搵出曱甴個竇．
終於比佢搵到一個好耐冇用過嘅大沙煲變咗曱甴屋，
佢張所有出口封好，張個沙煲搬到屋外嘅草地，
打開煲蓋，黎個放生大行動，
然後張個沙煲放嘅太陽下曬吓佢（天然消毒）．
佢怕會嚇親鄰居，只係同人講，
襯太陽好，曬吓沙煲囉 ． 咁都得 = ="