＊狗奴才＊

唔洗多講，大家都知狗奴才每日要做啲乜啦．
 每日要同主子抺面面，抺眼屎，梳靚靚，
要服侍主子用餐，抺手仔腳仔，抺in output，執金金，
最好就梗係同主子去吓街街添啦．

按時洗白白，剪毛毛，剪甲甲，仲要幫主子解悶呀．
主子病病要住院嗰陣仲要每日進出醫院兩次，看看我嘅小主子，
求牠健健康康，唔好死喺嗰到，要長命二百歲．

主子老了，行動不便了，要幫主子（率）活樂油，按吓手仔腳仔，
仲要攙扶主子去she she 同 poo poo．

呢個奴才唔易做呀，主子唔會比飯你食，唔會出糧比你，
比到你嘅係佢自己囉，但都未必係佢自願0家，可能只係佢地自己開唔到隻門咋，
門一開，走到狗尾都見唔到啦，直至肚仔餓嗰陣，
我唸，都會唸起奴才嘅．

不過，只要小主子傻傻咁望你一眼，嗰個超可愛嘅樣，
已經矜貴過好多野，呢個狗奴才做得甘心命抵．

做咗狗奴差唔多十八年啦，直到嗰日，兩位小主子唔再需要奴才啦，
兩位小主子釋放咗狗奴，但遍遍唔記得釋放狗奴嘅心，

狗奴嘅心仍然緊緊被主子捆綁住，兩位主子 ．．．．