＊我的狗胖＊

好想寫啲我同狗胖o既野，快將十八年的歲月，唔算短o既日子，
竟然唸唔到有啲乜野刻骨詺心o既事，
只感受到，有小狗o既日子好開心．

狗胖同我係一見鐘情嗰隻，當年就用馬會送贈o既五千元彩金，抱左佢返屋企．
當時佢只得兩個月大，兩磅重，身體只得我手掌咁大，超可愛．
到而家又老，又醜，又臭，又皺皮，喺我眼中仍然係咁可愛．

執隻八婆返黎，係因為佢好可憐，
冇再張佢轉送比人，係想佢可以分攤我對狗胖o既愛．

唔想狗胖去賣咸鴨蛋o既時候喊死我，
但兩隻性格完全相反o既小狗放埋一齊，只令我更溺愛狗胖．

狗胖自小好man，好堅強，兩年前兩日開兩刀，第三日就企返起身．
半年前同佢返診所，姑娘同我講，我地岩岩講緊佢(狗胖)，咁又比佢食多兩年，
好叻仔，嗰一刻真係好自豪．

今次都好堅強，雖然再唔可以好似以前咁，
但佢一直撐住，撐到鬼佬比佢返屋企，可以比我地緊緊抱住佢，
正如人哋所講，寵物心中只得佢o既主人，狗胖都係．

心只覺得，我o既小胖雖然係隻小狗，但佢真係了不起！
喺呢到都要多謝鬼佬Ken，幫佢撐住，等佢可以返屋企，
可以比我地陪佢走埋最後呢段路，雖然只係短短三十個鐘，
亦係我哋最珍貴o既三十個鐘．

四個月大

十六歲