＊給我的小胖＊

曾經奢望，奢望你可以再一次執返條狗命，奢望再一次奇蹟出現．
直到嗰一刻，最無助o既一刻，望o既，係你乖仔，你聽話，乖乖哋去瞓，
瞓着左就唔洗再辛苦，唔好再唔捨得．
做到o既就只係可以緊緊抱住你，緊緊捉住你對手仔．
直至你瞓着，呢一瞓永遠都醒唔返，好奇怪，眼淚一滴都冇．
直到喺火化場，小胖你要真真正正離開我，眼淚就咁停唔到．
一堆白灰，我0既寶貝！！

每晚仍然坐喺個窿到，只係再聽唔到你o既鼻鼾聲，
再聽唔到你呱呱叫．你仍然留守喺我身邊，
只係我睇你唔到，定係你真係永遠消失左？你有冇望到我？
有冇望住我呱呱叫，只係我聽唔到？
兩個月有多啦，每日都唸起你，唸起你眼淚就湧出黎．

胖仔, 多謝你叻仔仔，多謝你更辛苦都撑到返屋企，
多謝你撑返黎留比我哋最寶貴o既時刻．
冇能力將你留喺身邊耐啲，就只有永遠將你收喺心裡面，永遠！